بەرپرسێکی ئیسرائیل: دانوستانەکانی غەززە لە قۆناغی کۆتایی دان

ئاڤا نیوز

بەرپرسێکی ئیسرائیل بۆ ماڵپەری  'والا'  پشتڕاستی کردەوە کە دانوستانەکان بۆ ڕێککەوتنی ئاگربەست لە کەرتی غەززە لە قۆناغی کۆتایی دایە.

چیڕۆکی سەرەکی: ماوەی دوو هەفتەیە دانوستانەکانی ئیسرائیل و بزووتنەوەی حەماس لە دەوحەی  پایتەختی قەتەر، بۆ ڕێککەوتن لەسەر ئاگربەست لە کەرتی غەززە بەردەوامن، بەڵام تاوەکوو ئێستا هیچ گۆڕانێک بە ئاراستەی ئاگربەست بە دی نەکراوە.

زانیاری بەدەستهاتوو: بەرپرسێکی ئیسرائیلی بە ماڵپەری 'والا'ـی ڕاگەیاندووە، زۆربەی ئاستەنگ و کێشەکانی بەردەم دانوستانەکان چارەسەر کراون و چاوەڕوان دەکرێت ئەمشەو یان سبەی حەماس دوایین وەڵامی بە نێوەندگیرەکان بداتەوە.

ئەوەی پێویستە بیزانیت: ناکۆکییەکانی حەماس و ئیسرائیل لەسەر ڕادەی کشانەوەی هێزەکانی سوپای ئیسرائیل بوو لە کەرتی غەززە، بەڵام دواتر ئیسرائیل نەرمی نیشانداو و بڕیاری کشانەوەی بەرفراوانی لە بەشێک لە ناوچەکانی کەرتی غەززە دا وەک هەنگاوێک بۆ گەیشتن بە ڕێککەوتنی ئاگربەست.