فوئاد حوسێن و عێراقچی بە تەلەفۆن پرسی غەززەیان تاوتوێ کرد

ئاڤا نیوز

فوئاد حوسێن و عەباس عێراقچی لەڕێگەی تەلەفۆنەوە پەیوەندییە دووقۆڵییەکانی نێوان عێراق و ئێران پرسی گەیاندنی هاوکارییە مرۆییەکانیان بۆ غەززە تاوتوێ کرد.

 

وێنە گەورەکە: ڕۆژی هەینی ڕێککەوتی 26ـی 7ـی 2025، فوئاد حسێن، وەزیری دەرەوەی عێراق پەیوەندییەکی تەلەفۆنی لە عەباس عەراقچی، هاوتا ئێرانییەکەیەوە پێگەیشت. لە دیدارەکەدا لە پێشهاتەکانی گفتوگۆکانی نێوان ئێران و ئەوروپا، ئاستەنگەکانی بەردەم دەستپێکردنەوەی دانوستاندنەکانی تاران لەگەڵ واشنتن و دۆخی مرۆیی کەرتی غەززە باس کران.

 

ڕاگەیێنراوی فەرمی: وەزارەتی دەرەوەی عێراق ڕایگەیاند، هەردوولا باسیان لە دانوستاندنە بەردەوامەکانی نێوان نێوان کۆماری ئیسلامیی ئێران و سێ وڵاتی ئەوروپی (بەریتانیا، فەرەنسا و ئەڵمانیا) کرد کە ئێستا لە تورکیا بەڕێوەدەچن، بەشێکی دیکەی گفتوگۆکان قسەکردن بوو لەمەڕ بەربەستەکانی دەستپێکردنەوەی دانوستاندنەکانی نێوان ئێران و ئەمریکا سەبارەت بە بەرنامەی ئەتۆمیی ئێران.

 

لەلایەکی دیکە: بەشێکی دیکەی گفتوگۆکان باس کردن بوو لە دۆخی کەرتی غەززە، هاوکات جەختیان لە گرنگی چڕکردنەوەی هەوڵە نێودەوڵەتییەکان بۆ گەیاندنی بەپەلەی یارمەتییە مرۆییەکان بۆ دانیشتوانی کەرتەکە کردەوە.