پاپا لیۆ هۆشداری لەبارەی ژیریی دەستکرد دەدات: نابێت ببێتە هۆی لەدەستدانی کەرامەت

ئاڤا نیوز

 

پاپا لیۆی 16ــــەم لەبارەی ژیریی دەستکرد و تۆڕە کۆمەڵایەتییەکان دەڵێت، "داواکارم لە پلاتفۆرمە کۆمەڵایەتییەکان کەڕامەتی مرۆڤەکان بپارێزرێن و ژیریی دەستکرد کاریگەری بەسەر هاووڵاتییان و دیندارانەوە نەبێت."

 

چیرۆکی سەرەکی: لەکاتێکدا جیهان بەڕووی پەرەسەندنە تەکنەلۆژییەکان کراوەیە و ژیری دەستکرد بەخێرای بەجیهان بڵاوبوویەوە، ئەوە جگە لەوەی شۆڕش و وەرچەرخانێکی باش بوو، بەڵام لەگەڵ ئەوەشدا کاریگەری نەرێنی هەبوو، بۆ ئەم مەبەستەش پاپا لیۆی 16ـــەم داوایەک ئاڕاستەی کاثۆلیکەکانی جیهان دەکات.

 

لێدوانی فەرمی: پاپا لیۆی 16ــــەم دەڵێت، داوا دەکەم لە پلاتفۆرمە کۆمەڵایەتییەکان کەڕامەتی مرۆڤەکان بپارێزرێن و ژیریی دەستکرد کاریگەری بەسەر هاووڵاتییان و دیندارانەوە نەبێت، کە ژیریی دەستکرد بەشێوەیەکی هەڵە بەکاربێنن چونکە خۆتان ئەزانن، ئێستا جیهان دووچاری ئاڵنگاری بووەتەوە بەدەست ژیریی دەستکردەوە.

پاپا لیۆی 16ـــەم ئاماژەی بەوەش دا، "ناکرێت چالاکییەکانی مرۆڤ بکرێنەوە بە ژیریی دەستکرد و ببێتە هۆی لەدەستدانی کەڕامەت، بەڵکو پێویستە هۆشیارانە لەگەڵ پەرەسەندنی تەکنەلۆجیا بجووڵێینەوە و شێوە و شتە تایبەتەکانی مرۆڤ لەڕێگەی ژیریی دەستکردەوە نەشێوێنین".