نرخی زێڕ لە بازاڕەکان جێگیر دەبێت

ئاڤا نیوز

 

لەبارەی نرخی زێڕ لە بازاڕەکانی هەرێمی کوردستان، ئەندامێکی سەندیکای زێڕنگرانی هەولێر دەڵێت، "دوو ڕۆژە نرخی زێڕ لە بۆرسەدا جێگیر بووە".

 

لێدوانی فەرمی: سەفین وەرتی، ئەندامی سەندیکای زەڕەنگەرانی هەولێر بە ئاڤا میدیای ڕاگەیاند: نرخی زێڕ دوو ڕۆژە لە بۆرسەی جیهانیدا جێگیر بووە، ئێستا هیچ هۆکارێک بۆ بەرزبوونەوە یان دابەزینی لە ئارادا نییە.

 

زانیاریی زیاتر: نرخی زێڕ لە بازاڕەکانی هەرێمی کوردستان، کە لەسەر نرخی دۆلار بە 139 هەزار دینار دانراوە، بەم جۆرەیە:

-مسقاڵێک زێڕی عەیار 22 بە 683 هەزار دینارە.

-مسقاڵێک زێڕی عەیار 21 بە 652 هەزار دینارە.

-مسقاڵێک زێڕی عەیار 18 بە 558 هەزار دینارە.

-یەک ئۆنسە زێڕ بە سێ هەزار و 326 دۆلارە.