ئاوی پڕۆژه‌ی فریاگوزاریی خێرای گه‌یاندنى ئاوی هەولێر ده‌گاته‌ بنەسڵاوە

ئاڤا نیوز

هەفتەی داهاتوو ئاوی پڕۆژه‌ی فریاگوزاریی خێرای گه‌یاندنى ئاوی هەولێر ده‌گاته‌ بنەسڵاوە. سەرۆکی شارەوانی بنەسلاوە لەمبارەیەوە دەڵێت، هاوسەنگکردنی تۆڕەکان 95%ی کارەکانی تەواو بووە.

لێدوانی فەرمی: زریان سەباح، سەرۆکی شارەوانی بنەسلاوە بە ئاڤای وت، "کارەکانی بەیەک بەستنەوەی تۆڕەکانی ئاو بە پرۆژەی ئاوی خێرای گەیاندنی ئاو، هاوسەنگ کردنی تۆرەکان 95%ی کارەکانی کراوە و پێشبینی دەکەین لە هەفتەی داهاتوو هەموو شوێنێکی بنەسلاوە ئاوی پێبگات".

دەشڵێت، ناو بازاڕی چوار هەزاری بنەسڵاوە چاڵ بۆ بۆڕییەکان هەڵکەندراوە، بۆ ئەوەی خەڵکەکە و کاسبکاران پەکیان نەکەوێت، شارەوانی زوو خەمی خواردووە و شوێنی پەڕینەوەی بۆ درووست کردوون.

زریان سەباح گوتی، "ئێمە سەرەتا ئاومان گەیاندە ئەو گەڕەکانەی کە چەند ساڵێکە لە هاوینان کێشەی کەمئاوییان هەبوو، دواتر کارمان لەسەر بازاڕ و شێنەکانی دیکە کرد".



 

ئاوی پڕۆژه‌ی فریاگوزاریی خێرای گه‌یاندنى ئاو ده‌گاته‌ بنەسڵاوەی هەولێر