لە مانگێکدا 28 بەنزینخانە بەهۆی کوالێتی خراپی بەنزین سزا دراون

ئاڤا نیوز

بەهۆی فرۆشتنی بەنزینی کوالێتی خراپ بە شوفێران، تیمەکانی بەڕێوەبەرایەتیی نەوت و کانزاکانی هەولێر، 28 بەنزینخانەیان داخست و نزیکەی 30 ملیۆن دینار سزای دارایی دراون.

 

وێنە گەورەکە: تیمەکانی بەڕێوەبەرایەتیی نەوت و کانزاکانی هەولێر، ڕۆژانە سەردانی 40 بەنزینخانە دەکەن و نموونەی بەنزینەکەیان دەبردرێتە تاقیگە ئەگەر ئۆکتانی بەنزینەکە لە نمرەی ستاندارت نەبێت سزای دارایی دەدرێت و دادەخرێت، چەند سەرپێچییەکەی گەورەبێت سزای سەر بەنزینخانەکە قوورستر دەبێت.

 

زانیاریی تایبەت: بەڕێوەبەرایەتیی نەوت و کانزاکانی هەولێر دەڵێت، "لە ماوەی 30 ڕۆژدا پشکنین بۆ  680 کراوە 28 بەنزینخانە داخراون و 28 ملیۆن و 500 هەزار دینار سزا دراون."

 

ئەمەش بزانە: لە سەنتەری شاری هەولێر و دەوروبەری 260 بەنزینخانە هەن، هەر بەنزیخانەیەک بەنزینەکەی لە پشکنین دەرنەچێت لەلایەن تیمەکانی بەڕێوەبەرایەتیی نەوت و کانزاکانی هەولێر دادەخرێت، 250 هەزار بۆ سێ ملیۆن دینار سزا دەدرێت.