بۆ یەکەمجار خانمێکی سعودی بەشداریی پێشبڕکێی شاجوانی گەردوون دەکات

ئاڤا نیوز

بۆ یەکەمجار وڵاتی سعودیە بە نوێنەرایەتیی خانمە نمایشکاری جلوبەرگی بەتوانا (ڕۆمی قەحتانی) بەشداری لە پێشبڕکێی شاجوانی گەردوون دەکات.

لێدوانی فەرمی:  ڕۆمی قەحتانی دڵخۆشی خۆی بە هەڵبژاردنی وەکو یەکەمین نوێنەر و ڕکابەری وڵاتەکەی لە پێشبڕکێی شاجوانی گەردووندا نیشان دەدات و دەڵێت: ئەمە دەستکەوتێکی گەورەیە بۆ سعودیە، ئێمە دەچینە گۆڕەپانی جیهانییەوە بۆ جوانی و گۆڕانکاری.

زانیاریی زیاتر: قەحتانی خاوەنی ئەزموونێکی زۆرە وەکو نمایشکاری جلوبەرگ و بەشداریی چەندین پێشبڕکێی شاجوانیی کردووە، وەکو (Miss Woman International, Miss Global, Miss planet International, Miss Arab World).

بۆچی گرنگە: بەشداریکردنی قەحتانی بە گۆڕانکارییەکی گەورە لە دونیابینیی وڵاتی سعودیە دادەنرێت، هەروەها گوزارشت لە پاڵپشتیکردنی ئەو وڵاتە دەکات بۆ تواناکانی خانمان لە بەجیهانیکردنیاندا. 

ئەوەی پێشبینی دەکرێت: لە ئامادەکاریدا بۆ بەشداریکردن لە حەفتا و سێیەمین خولی پێشبڕکێی شاجوانی گەردوون لە وڵاتی مەکسیک، چاوەڕێ دەکرێت ئامادەبوونی قەحتانی ڕووداوێکی گرنگ بێت بۆ هەریەک لە وڵاتی سعودیە و ستەیجی شاجوانی گەردوون.