ڕووسیا ڤاکسینی شێرپەنجە بەرهەم دەهێنێت

ئاڤا نیوز

 

ڕووسیا دروستکردنی ڤاکسینێکی بۆ چارەسەری شێرپەنجە ڕاگەیاند و بڕیارە بەم نزیکانە یەکەم نەخۆشی شێرپەنجە ڤاکسینەکە وەربگرێت.

ئەوەی پێویستە بیزانیت: ڤاکسینەکە لەلایەن 'پەیمانگای توێژینەوەی گامالیا بۆ پەتا و مایکرۆبایۆلۆژی' پەرەی پێدراوە و تیایدا سوود لە ژیریی دەستکرد وەرگیراوە.

شێوازی بەکارهێنانی: ڤاکسینەکە بە شێوەیەکە کە بۆ هەر نەخۆشێک ڤاکسینێکی تایبەت درووست دەکرێت کە بتوانێت چارەسەری ئەو جۆرە لە شێرپەنجە لەو کەسەدا بکات.

ڤاکیسنەکە بە گوێرەی داتا جێنێتیکییەکانی کەسە نەخۆشەکە کاردەکات و خانە شێرپەنجەییەکان بە ئامانج دەگرێت.

تاقی دەکرێتەوە: بڕیارە لە چەند مانگی داهاتوودا ڤاکسینەکە بە شێوەی تاقیکاری لەسەر نەخۆشەکان تاقی بکرێتەوە. 

زانیاریی زیاتر: لە ناوەڕاستی ساڵی 2022ـەوە کار لەسەر پەرەپێدان بەم ڤاکسینە دەکرێت و ئومێدی زۆر بەوە هەیە کە بتوانێت لە چارەسەرکردنی شێرپەنجەدا ڕۆڵێکی گرنگی هەبێت.

ژمارەکان وادەڵێن: بەگوێرەی داتاکانی وەزارەتی تەندرووستیی ڕووسیا نزیکەی چوار ملیۆن تووشبووی شێرپەنجە لەو وڵاتە هەن و ساڵانەش 625 هەزار تووشبووی نوێ تۆمار دەکرێن.