لوبنان پرۆسەی چەکداماڵینی حیزبوڵڵا خێراتر دەکات

ئاڤا نیوز

حکومەتی لوبنان فەرمان بە سوپای ئەو وڵاتە دەکات تا کۆتایی ئەمساڵ پلانی چەکداماڵینی حیزبوڵڵا دابڕێژێت.

وێنە گەوەکە: حکومەتی نوێی لوبنان دوای دەستبەکاربوونی هەوڵ دەدات پرسی کۆکردنەوەی چەک لەلایەن دەوڵەتەوە یەکلایی بکاتەوە و چەک لە دەست گرووپە چەکدارەکان دەربهێنێت.

لێدوانی فەرمی: نەواف سەلام، سەرۆکوەزیرانی لوبنان، داوای کردووە پلانێک دابڕێژرێت کە تیایدا تەنیا هێزە چەکدارەکانی وڵات چەکیان لە دەستدا بێت و هێزە میلیشیاییەکانی دیکە چەکەکانی خۆیان ڕادەست بکەن.

لەلایەکی دیکەوە: نەعیم قاسم، ئەمینداری گشتیی حیزبوڵا، ڕایگەیاندووە، تا ئەو کاتەی ئیسرائیل لە هێرشەکانی بۆ سەر لوبنان بەردەوام بێت، ئەوان هەر جۆرە خشتەیەکی کاتی بۆ چەکدادانان ڕەت دەکەنەوە.

ئەمەش بزانە: حیزبوڵڵا خاوەن هێزی چەکدارییە و لە باشووری لوبنان دەستڕۆیشتوویی هەیە، بەڵام چاودێران دەڵێن دوای شەڕی ساڵی ڕابردووی لەگەڵ ئیسرائیل، بە شێوەیەکی بەرچاو لاواز بووە.