پێدانی بەنزین بە نرخی پاڵپشتیکراو ئاسایی دەبێتەوە

ئاڤا نیوز

دوای هەفتەیەک لە کەمبووەنەوەی بڕی بەنزینی نرخی پاڵپشتیکراو، سەرەتای هەفتەی داهاتوو پرۆسەکە ئاسایی دەبێتەوە و ژمارەی ئەو بەنزیخانانەی بەنزینی 750 دیناری دەفرۆشن زیاد دەبنەوە.

وێنە گەورەکە: بەهۆی هێرشە درۆنییەکان و وەستانی پرۆسەی بەرهەمهـێنان لە بەشێکی کێڵگە نەوتییەکانی کوردستان لەماوەی ڕابردوو، پێدانی بەنزین بە نرخی پاڵپشتیکراو کەمبووەوە و لە 936 هەزار لیتر بەنزینی ڕۆژانە دابەزی بۆ 504 هەزار لیتر، دۆخەکە وردە وردە ئاسایی دەبێتەوە.

زانیاریی تایبەت: بەڕێوەبەرایەتیی نەوت و کانزاکانی هەولێر دەڵێت، "لەڕۆژی شەممەوە ژمارەی ئەو بەنزیخانانەی بەنزینی 750 دیناری دابەش دەکەن بەرز دەکرێنەوە، ڕۆژانە 864 هەزار لیتر بۆ 25 بەنزینخانە دابین دەکرێت."

ئەوەی پێویستە بیزانیت: دوو پاڵاوگەی هەرێمی کوردستان نەوتی خام لە کێڵگەکانی نەوت وەردەگرن و بەنزین بە نرخی پاڵپشتیکراو بۆ پارێزگاکان دابین دەکەن، بەڵام بەهۆی هێرشە درۆنییەکانی ئەم دواییەی سەر کێڵگە نەوتییەکان بڕی بەرهەمهێنیان کەم ببووەیەوە.