بەغدا: لیوایەکی خانەنشین و هاوسەرەکەی لە هێرشێکی چەکداریدا بۆ سەر ماڵەکەیان کوژران

ئاڤا نیوز

بەهۆی هێرشێکی چەکدارییەوە بۆ سەر ماڵەکەیان لە بەغدا، ئەفسەرێکی خانەنشین بە پلەی لیوا و هاوسەرەکەی کوژران و منداڵێکیش بریندار بووە.

ڕاگەیێنراوی فەرمی: سەرچاوەیەکی ئەمنی لەبەغدا ڕایگەیاند: درەنگانی شەوی ڕابردوو لە هێرشێکی چەکداریدا بۆ سەر ماڵێک لە گەڕەکی قاهیرەی باکووری بەغدا، ئەفسەرێکی خانەنشین بە پلەی لیوا و هاوسەرەکەی کوژران، منداڵێکیش بریندار بوو. 


زانیاریی تایبەت: کەسوکاری لیوا کوژراوەکە بەئاڤا میدیایان ڕاگەیاند: رۆژی پێنجشەممە 7-8-2025 کەسانێکی نەناسراو بەمەبەستی دزیکردن، هەڵدەکوتنە سەرماڵی محەممەد کەریم حاتەم کە لیوای خانەنشینە، خۆی و خێزانەکەی دەکوژن و بڕێک زیڕ و پارە دەدزن.

زانیاریی زیاتر: ئاڤا هەر لەو سەرچاوە تایبەتەوە زانیویەتی لیوا کوژراوەکە بەڕەچەڵەک تورکمانە و خەڵکی کەرکووکە، ماوەی 20 ساڵ ئەسیری ئێران بووە و دوای ئازادکردنیشی ڕووی لە پایتەختی ئێران کردووە و هەر لەوێش ژنی هێناوە و نیشتەجێبووە.

قووڵتر: بەپێی وتەی سەرچاوەیەکی ئەمنی، تاوەکو ئێستا ئەنجامدەرانی تاوانەکە ئاشکرا نەبووە و لێکۆڵینەوەکانیش بەردەوامن.