ئیسرائیل بەرپرسێکی هەواڵگریی حیزبوڵڵا دەکوژێت

ئاڤا نیوز

ئێوارەی ڕۆژی هەینی، سوپای ئیسرائیل لە هێرشێکی ئاسمانیدا بۆ سەر ئۆتۆمبێلەکەی، محەممەد حەمزە شەحادە، بەرپرسی هەواڵگریی هێزەکانی "ڕەزوان"ـی سەر بە حیزبوڵڵای لوبنانی لە ڕێگای سەرەکی عەدلۆن- ئەنساریا لە باشووری لوبنان کوشت.

وێنە گەورەکە: لە مانگی تشرینی دووەمی ساڵی ڕابردوو، ئیسرائیل و حیزبوڵڵای لوبنان ڕێککەوتنی ئاگربەست واژۆ کرد، بەڵام لەو کاتەوە ئیسرائیل بە سەدان ئۆپەراسیۆن و هێرشی لە باشووری لوبنان ئەنجامداوە، هاوکات چەندین بەرپرسی سەربازیی حیزبوڵڵای کردووەتە ئامانج.

ڕاگەیێنراوی فەرمی: سوپای ئیسرائیل ڕایگەیاند: محەممەد حەمزە شەحادە، کاری کردووە بۆ بوونیادنانی هێز و تواناکانی هێزەکانی ڕەزوان.