تەندروستیی غەززە: لە 24 کاتژمێری ڕابردوودا 60 کوژراو و 344 بریندار هەبووە

ئاڤا نیوز

وەزارەتی تەندروستیی فەلەستین لە غەززە ئاشکرای دەکات، لەماوەی 24 کاتژمێری ڕابردوودا بەهۆی ‌هێرشە بەردەوامەکانی سوپای ئیسرائیل بۆسەر خەڵکی غەززە زیاتر لە 400 کەس کوژران و بریندار بوون.

وێنە گەورەکە: نزیکەی سێ ساڵە جەنگی نێوان ئیسرائیل و حەماس بەردەوامە و تا دێت دۆخی مرۆیی لە فەڵەستین بەهۆی گەمارۆ و هێرش و ئۆپەراسیۆنە سەربازییەکانی سوپای ئیسرائیلەوە دادەڕمێت.

بڵاوکراوەی فەرمی: وەزارەتی تەندروستیی فەلەستین لە غەززە لە ڕاپۆرتێکدا ڕایگەیاند، لەماوەی 24 کاتژمێری ڕابردوودا بەهۆی هێرشە بەردەوامەکانی سوپای ئیسرائیل بۆسەر دانیشتووانی غەززە 60 کەس کوژراون و 344 کەسی دیکەش برینداربوون.

زانیاریی زیاتر: لە 7ـی ئۆکتۆبەری ساڵی 2023ـەوە تاوەکو ئێستا لە غەززە 62 هەزار و چوار کەس کوژران و 156 هەزار و 230 کەسیش برینداربوون.