ئوردن ڕێگری لە خۆپیشاندانی هاووڵاتیانی دژ بە ئیسرائیل دەكات

ئاڤا نیوز

خۆپیشاندانە جەماوەرییەکانی ئوردن بۆ پاڵپشتیی فەڵەستین و لە دژی ئیسرائیل بەردەوامن، خۆپیشاندەران داوا دەکەن پەیماننامەی ئاشتیی نێوان ئوردن و ئیسرائیل، کە ساڵی 1994 بەستراوە، کۆتایی پێ بهێنرێت. 

وێنە گەورەکە: خۆپیشاندانی هەزاران ئوردنی لە بەردەم باڵیۆزخانەی ئیسرائیل لە عەممانی پایتەخت بەردەوامە. خۆپیشاندەران بە بەرزکردنەوەی ئاڵای فەڵەستین چەندین درووشمیان گوتنەوە لەوانە: "ئەوان دەڵێن حەماس تیرۆریستە . . هەموو ئوردن حەماسە". ئەوان هەروەها داوای داخستنی باڵیۆزخانەی ئیسرائیلیان کرد و لە درووشمەکانیان دەیانگوت "نابێت هیچ باڵیۆزخانەیەکی زایۆنی لە سەر خاکی ئوردن هەبێت."

زانیاریی زیاتر: خۆپیشاندەران داواکاری ‌هێزەکانی پۆلیسیان بۆ کۆتاییهێنان بە خۆپیشاندانەکان ڕەتکردووەتەوە،  پۆلیسیش ژمارەیەک خۆپیشاندەریان دەستگیر کردووە. ڕێکخراوی لێبووردنی نێودەوڵەتی  و ڕێکخراوی چاودێریی مافەکانی مرۆڤ ڕەخنەیان لە ڕەفتاری تووندی پۆلیسی ئوردن بەرامبەر بە خۆپیشاندەران و سنووردارکردنی ئازادیی ڕادەربڕین گرتووە.