تەندروستی غەززە: لە 24 کاتژمێری ڕابردوو سێ کەس بەهۆی برسییەتییەوە گیانیان لەدەستداوە

ئاڤا نیوز

وەزارەتی تەندروستی غەززە لەبارەی دۆخی مرۆیی نوێترین ڕاپۆرتی خۆی بڵاوکردەوە و ئاشکرای دەکات لەماوەی 24 کاتژمێری ڕابردوو، سێ کەس بەهۆی برسییەتی و بەدخۆراکییەوە گیانیان لەدەستداوە.

وێنە گەورەکە: نزیکەی سێ ساڵە جەنگی نێوان حەماس و ئیسرائیل بەردەوامە و هەوڵەکان بۆ گەیشتن بە ئاگربەست چڕتر کراونەتەوە، حەماسیش ئامادەیی دەربڕیوە بۆ ڕێککەوتن، بەڵام ئیسرائیل، پێشنیازی ئاگربەست و ڕێککەوتن لەگەڵ حەماس بەنێوەندگیری میسر و قەتەر ڕەتدەکاتەوە.

بڵاوکراوەی فەرمی: وەزارەتی تەندروستی غەززە لە ڕاپۆرتەکەدا ئاشکرای دەکات کە بەهۆی بەدخۆراکی و برسییەتییەوە لە غەززە لەماوەی 24 کاتژمێری ڕابردوودا سێ کەس گیانیان لەدەستداوە بەوەش ژمارەی ئەو کەسانەی کە بەهۆی برسیەتییەوە گیانیان لەدەستداوە بەرزبووەوە بۆ 269 کەس، لەنێو ئەو ژمارەیەدا 112ــیان منداڵن.

ئەمەش بزانە: سوپای ئیسرائیل لەماوەی ڕابردوودا ڕێگەی بە چوونە ناوەوەی هاوکارییە مرۆییەکانی بۆ ناو غەززە نەدەدا، بەڵام ئێستا شێوازەکە گۆڕدراوە و سوپای ئیسرائیل ڕێگە بە چوونە ناوەوەی هاوکارییەکان بە مەرج دەدات و بەوردی دەیانپشکنێت، هاوکات، چەندین جار هەبووە کە سوپای ئیسرائیل حەماسی بە بردنی هاوکارییەکان لە خەڵکی غەززە تاوانبار کردووە.