خەلۆ و جەلۆ دەیان کێشەی خەڵک چارەسەر دەکەن

ئاڤا نیوز

 
بەرنامەی "ڕابن ژ خەوێ" کە لەلایەن خەلۆ و جەلۆ، ئەستێرە دیارەکانی ئاڤا میدیا گرووپ پێشکەش دەکرێت، دەیان کێشەی هاونیشتمانیانی گەیاندووەتە بەرپرسان و چارەسەر کراون.


چیرۆکی سەرەکی: ڕۆژی 10 ی ئەم مانگە ڕادیۆ و دیجیتەڵ میدیای ئاڤا بەهدینان لە دهۆک دەستی بە پەخش کرد،  "ڕابن ژ خەوێ" وەک یەکەم بەرنامەی پێشوازییەکی گەرمی لەلایەن هاونیشتيمانیيانەوە لێکرا.


ژمارەکان وادەڵێن: لە ماوەی 15 ڕۆژی پێشکەشکردنی بەرنامەی "ڕابن ژ خەوێ" لەلایەن خەلۆ و جەلۆوە پەیوەندییەکان و داواکاری و کێشەی خەڵک بەمشێوەیە بوون:

- 170 پەیوەندی لەلایەن هاونیشتمانیيانەوە کراون.

 

- 23 بەرپرس لە بەڕێوەبەرایەتییەکانی گشتی، سەرۆکی شارەوانی، قایمقام و بەڕێوەبەری ناحیە  بەشدارییان کردووە.

 

- ڕێژەی 95%ـی پەیوەندییەکان لە ڕەگەزی نێر و 5% لە ڕەگەزی مێ بوون.


- 103 لە پەیوەندییەکان پەیوەست بوون بە کێشەی خەڵک، نزیکەی نیوە کێشەکان چارەسەرکراون و ئەوانی دیكەش بەڵێنی چارەسەرکردنیان دراوە.

 

ئەوەی پێویستە بیزانیت: هەرچەندە بەرنامەکە تایبەتە بە وەرگرتنی گلەیی و کێشەکانی هاونیشتیمانيان، بەڵام خەڵات و سوپرایزیشی بۆ بەشداربووان و بینەرانی پەیجی ئاڤا بەهدینان هەبووە.