ئیسرائیل: شەڕی غەززە بە مەرج کۆتایی دێت

ئاڤا نیوز

وەزیری بەرگری ئیسرائیل دووپاتیکردەوە، سەرجەم بارمتەکانیان ئازاد دەکەن و دەبێت شەڕی غەززە بە مەرجەکانیان کۆتایی پێبێت.

وێنەگەورەکە: تا دێت دۆخی مرۆیی کەرتی غەززە بەهۆی گەمارۆ و بۆردومانە بەردەوامەکانی ئیسرائیل خراپتر دەبێت و ئەو وڵاتە ئامادە نییە کۆتایی بە جەنگ و کوشتار بهێنێت تا ئەو کاتەی سەرجەم ئامانجەکانی لەو کەرتە نەپێکێت و وەزیری بەرگری ئیسرائیلیش دووپاتی مەرجەکانیان دەکاتەوە.

لێدوانی فەرمی: یسرائیل کاتز، وەزیری بەرگری ئیسرائیل ڕایگەیاند: سوپای ئیسرائیل بە هەموو توانای خۆیەوە کاردەکات بۆ شکستپێهێنانی حەماس و ئازادکردنی هەموو بارمتەکان و کۆتاییهێنان بە شەڕەکە بەپێی ئەو مەرجانەی ئیسرائیل دیاری کردووە.

لەلایەکی دیکەوە: ئەم لێدوانەی کاتز لە کاتێکدایە، کەناڵی 12ی ئیسرائیل بڵاویکردەوە، لە کۆبوونەوەی نێوان بنیامین ناتانیاهۆ، سەرۆکوەزیرانی ئیسرائیل و  و ڕۆن دێرمر، وەزیری کاروباری ستراتیژی و ئیتمار بن گڤیر وەزیری ئاسایشی نیشتمانی و سمۆتریچ ناکۆکی لە نێوانیان هەبوو سەبارەت بە داگیر کردنی غەززە و پلانە نوێیەکە.