شاندێکی دەم پارتی سەردانی ئیمرالی دەکات

ئاڤا نیوز

ئایشەگول دۆغان، وتەبێژی دەم پارتی ڕایگەیاند، هەفتەی داهاتوو شاندێکی گەورەی دەم پارتی سەردانی عەبدوڵڵا ئۆجەلان، ڕێبەری زیندانیکراوی پەکەکە دەکات. 

چیرۆکی سەرەکی: پارتی یەکسانی دیموکراسی گەلان دەم پارتی، کۆبوونەوەی ئاسایی پارتەکەی کرد،  پرسی پرۆسەی ئاشتی و کارەکانی کۆمسیۆنی هاوپشتی نیشتمانی، دیموکراسی و برایەتی تاوتوێ کرا. 

لێدوانی فەرمی: ئایشەگول دۆغان، وتەبێێژکی دەم پارتی دوای کۆبوونەوەی پارتەکەی لە کۆنگرەیەکی ڕۆژنامەوانی دا ڕایگەیاند: هەفتەی داهاتوو، شاندێکی گەورە لە دەم پارتی سەردانی ئیمرالی دەکات، ئەمجارە هاوسەرۆکانی دەم پارتی لە شاندەکە بەشدار دەبن. 

زانیاریی زیاتر: دەم پارتی پلان بۆ ڕۆژ و کاتی سەردانەکە دادەنێن، لە ماوەی داهاتوودا ڕۆژەکەی ڕادەگەیێنن.