ئەنجامی خولی دووەمی پۆلی 12 ڕاگەیێنرا

ئاڤا نیوز

 

وەزارەتی پەروەردەی هەرێمی کوردستان ئەنجامی تاقیکردنەوەکانی خولی دووەمی پۆلی 12ـی ڕاگەیاند، ئێستا قوتابیان دەتوانن لە ڕێگەی ئەپلیکەیشنی ئی هەڵسەنگاندنەوە لە ماڵەوە ئەنجامەکە وەربگرنەوە.

 

ڕاگەیێنراوی فەرمی: وەزارەتی پەروەردەی حکومەتی هەرێمی کوردستان ڕایگەیاند، ئاگاداری سەرجەم قوتابیان و خوێندکارانی پۆلی 12ـی ئامادەیی دەکەینەوە لەئێستادا ئەنجامی تاقیکردنەوەکانی خولی دووەم بۆ  ساڵی خوێندنی 2024-2025  لە ئەپليکەيشنی ئی هەڵسەنگاندن (e-halsangandn) لەسەر هەردوو سیستمی کارپێکردنی Android و IOS بەردەستە.

 

زانیاریی زیاتر: وەزارەتی پەروەردە داوا لە قوتابیان دەکات، "کار لەسەر دوایین ڤێرژنی ئەپدەیتکراوی ئەپڵیکەیشنەکە بکەن، هاوکات پەڵپ (اعتراض) لە ڕۆژی چوارشەممە ڕێکەوتی 10-9-2025،  دەست پێ دەکات  تاوەکوو ڕۆژی دووشەممە ڕێککەوتی 15-9-2025، قوتابیان و خوێندکاران دڵنیادەکەین بەوردی کار لەسەر پەڵپەکان دەکەین".

 

ئەوەی پیویستە بیزانیت: دوای ڕاگەیاندنی ئەنجامەکان، قوتابی دەتوانێت لە پاش کاتژمێر 11ـی شەوەوە لە ڕێگەی ئەم لینکەوە فۆرمی وەڵام (سۆما)ی سەرجەم ئەو بابەتانەی تاقیکردنەوەی تێدا ئەنجام داوە ببینێت.