ئەنجوومەنی ئاسایشی نێودەوڵەتی لەبارەی هێرشەکەی دەوحە کۆدەبێتەوە

ئاڤا نیوز

ئەنجوومەنی ئاسایشی نێودەوڵەتی لەسەر داوای پاکستان و جەزائیر سەبارەت بە هێرشەکانی ئیسرائیل بۆ سەر قەتەر کۆدەبێتەوە، پێدەچێت ئەمڕۆ کۆبوونەوەکە بکرێت.

چیرۆکی سەرەکی: ڕۆژی سێشەممە، ئیسرائیل لەڕێگەی فڕۆکەی جەنگییەوە ژمارەیەک بارەگای سەرکردەکانی حەماسی لە دەوحەی پایتەختی قەتەر بە ئامانجی کوشتنی شاندی دانوستانکاری بزووتنەکە، کردە ئامانج، دواتر حەماس ڕزگاربوونی شاندەکەی بە سەرۆکایەتی خەلیل ئەلحەیە ڕاگەیاند، بەڵام کوڕەکەی ناوبراو و بەرپرسی نووسینگەکەی و چەند کەسێکی دیکە گیانیان لەدەستدا.

ڕاگەیێنراوی فەرمی: سەرچاوەیەک بە ئاژانسی "نۆڤۆستی" ڕاگەیاند، دوای ئەوەی ئیسرائیل هێرشی کردە سەر سەرکردەکانی بزووتنەوەی حەماس لە قەتەر، جەزائیر و پاکستان داوای کۆبوونەوەی ئەنجوومەنی ئاسایشی نەتەوە یەکگرتووەکانیان کردووە.

سەرچاوەکە ڕوونیکردەوە، "داواکارییەک هەبوو بۆ کۆبوونەوەیەک، بە ئەگەرێکی زۆرەوە ئەمڕۆ چوارشەممە کۆبوونەوەکە دەکرێت.

زانیاریی زیاتر: هێرشەکەی ئیسرائیل لە کاتێکدا بوو، شاندی دانوستانکاری حەماس کە لە سەرکردە دیارەکانی پێکدێت لە کۆبوونەوە بوون و تاوتوێی پێشنیازێکی دۆناڵد ترەمپ، سەرۆکی ئەمریکایان دەکرد سەبارەت بە ئاگربەستی جەنگی غەززە.