دوای هێرشەکەی ئیسرائیل سەرۆکی ئیمارات سەردانی قەتەر دەکات

ئاڤا نیوز

ئەمڕۆ چوارشەممە لە سەروبەندی هێرشی ئیسرائیل بۆ سەر دەوحەی پایتەختی قەتەر، شێخ تەمیم بن حەمەد ئال سانی، میری قەتەر لەفڕۆکەخانەی نێودەوڵەتی دەوحە پێشوازیی لە محەممەد بن زاید، سەرۆکی ئیمارات کرد.

چیرۆکی سەرەکی: دوێنێ سێشەممە، هێزی ئاسمانی ئیسرائیل هێرشی کردە سەر بارەگای شاندی دانوستانکاری بزووتنەوەی حەماس لە پایتەختی قەتەر، سەرەڕای ڕزگاربوونی سەرکردەکانی حەماس، بەڵام کوڕی خەلیل ئەلحەیە، سەرۆکی شاندەکە و چەند کەسێکی دیکە گیانیان لەدەستدا.

ڕاگەیێنراوی فەرمی: ئاژانسی هەواڵی فەرمیی ئیمارات ڕایگەیاند: سەرۆکی ئیمارات لەم سەردانەدا وەزیرانی بەرگری، ناوخۆ، ڕاوێژکاری ئاسایشی نیشتمانی و چەندین بەرپرسی باڵای دیکەی لەگەڵ بوو.

زانیاریی زیاتر: پێش سەردانەکە، میری قەتەر پەیوەندییەکی تەلەفۆنی لە سەرۆکی ئیماراتەوە پێگەیشت، بن زاید ڕەتکردنەوەی وڵاتەکەی بۆ هێرشەکەی ئیسرائیلی بۆ سەر دەوحە دووپاتکردەوە جەختیشی لەوە کردەوە کە وڵاتەکەی هیچ هێرشێک قبوڵ ناکات کە ئاسایشی قەتەر بکاتە ئامانج.