لە یەمەنەوە مووشەکێک ئاراستەی ئیسرائیل کرا

ئاڤا نیوز

لە چوارچێوەی ‌هێرشە بەردەوامەکانی حووسییەکان بە مووشەکی بالیستی و فڕۆکەی بێفڕۆکەوان بۆ سەر ئیسرائیل، سوپای ئیسرائیل ئاشكرای دەکات مووشەکێک لە یەمەنەوە ئاراستەی وڵاتەکەی کراوە بەڵام بەرپەرچ دراوەتەوە. 

زانیاریی بەدەستهاتوو: سوپای ئیسرائیل ڕایگەیاند، ئەمڕۆ شەممە مووشەکێک لە یەمەنەوە ئاراستەی ئیسرائیل کراوە بەڵام لەلایەن سیستمی بەرگریی وڵاتەکەوە ڕێگری لێکراوە.

کاریگەری و لێکەوتەکان: شەوی ڕابردوودا زەنگی ئاگادارکردنەوە لە چەند ناوچەیەکی ئیسرائیل لێدرا و دانیشتووانی تەلئەبیب و شارەکانی دیکە بەپەلە چوونەتە پەناگەکان.

زانیاریی زیاتر: تاوەکو ئێستا هیچ ڕاپۆرتێک لەبارەی زیان و لێکەوتەکانی ئاشکرا نەکراوە.

باکگراوند: حووسییەکانی یەمەن وەک هاوسۆزییەک لەگەڵ فەڵەستینییەکانی کەرتی غەززە، چەندین جار مووشەک و فڕۆکەی بێفڕۆکەوانیان ئاراستەی ئیسرائیل کردووە.