ئیسرائیل: 250 هەزار کەس شاری غەززەیان بەجێهێشتووە

ئاڤا نیوز
 
بەهۆی چڕبوونەوەی هێرشەکانی ئیسرائیل و دەستپێکردنی ئۆپەراسیۆنی نوێ لە کەرتی غەززە ژمارەیەکی زۆری دانیشتووانی شارەکە ئاوارەبوون، سوپای ئیسرائیلیش دەڵێت، زیاتر لە 250 هەزار کەس شاری غەززەیان بەجێهێشتووە.

وێنە گەورەکە: 23 مانگە شەڕ لە کەرتی غەززە لە نێوان ئیسرائیل و حەماس بەردەوامە و ڕۆژانەش ئیسرائیل هێرشی چڕ بۆ سەر کەرتەکە ئەنجام دەدات و خەڵکێکی زۆری مەدەنی بە ئامانج دەگرێت و جیا لە ئاوارەبوونی هەزاران کەس.

ڕاگەیێنراوی فەرمی: سوپای ئیسرائیل ڕایگەیاند، لەو کاتەوەی هێرشەکانی بۆ سەر گەورەترین ناوەندی شارەکانی غەززە چڕکردووەتەوە لە ماوەی چەند هەفتەی ڕابردوودا زیاتر لە 250 هەزار کەس شاری غەززەیان بەرەو ناوچەکانی دیکەی خاکی غەززە بەجێهێشتووە، کە دەکاتە زیاتر لە چارەک ملیۆنێک دانیشتووانی شاری غەززە لە پێناو سەلامەتی خۆیان لە شارەکەیان چۆڵکردووە.

زانیاریی زیاتر: بەپێی ئاماری نەتەوەیەکگرتووەکان نزیکەی یەک ملیۆن فەلەستینی لە شاری غەززە و دەوروبەری دەژین.