جەهەپە لە تورکیا و دەم پارتی لە باکووری کوردستان یەکەمن

ئاڤا نیوز

بەپێی ئەنجامە بەراییەکانی هەڵبژاردنی شارەوانییەکانی باکووری کوردستان و تورکیا، جەهەپە یەکەم و ئاک پارتی دووەمە، لە باکووری کوردستانیش دەم پارتی پێشەنگە.

 

وێنە گەورەکە:  جەهەپە دوای دەیان ساڵ توانی پێش ئاک پارتی بکەوێت و زۆرترین شارەوانی تورکیا بەدەستبهێنێت، دەم پارتیش توانی زۆرترین شارەوانی لە ئاستی باکوری کوردستان بباتەوە. ئاک پارتیش لە ئاستی تورکیادا دووەم دەنگی بەدەستهێناوە، لەکاتێکدا لە هەڵبژاردنەکانی پێشوودا خاوەنی زۆرترین شارەوانی بوو.

ئەوەی پێویستە بیزانیت: بەپێی ئامارەکان ڕێژەی بەشداریکردن لە هەڵبژاردنەکانی تورکیادا 78.11% بووە و چاوەڕوان دەکرێت ئەمڕۆ ئەنجامی کۆتایی ڕابگەیێنرێت.

ژمارەکان وادەڵێن: بەپێی جیاکردنەوەی 99.8%ی دەنگەکان بۆ 81 گەورە شارەوانی پارێزگاکانی باکووری کوردستان و تورکیا، ئەنجامی بەرایی بەمشێوەیەیە:

‎جەهەپە: 35 شارەوانی
‎ئاکپارتی: 24 شارەوانی
‎دەم پارتی: 10 شارەوانی 
‎مەهەپە: 8 شارەوانی 
‎ڕەفایی نوێ: 1شارەوانی 
‎ئیی پارتی: 1شارەوانی
‎پارتی یەکێتیی گەورە: 1شارەوانی