ترەمپ: ئیسرائیل جارێکی دیکە هێرش ناکاتەوە سەر قەتەر

ئاڤا نیوز

سەرۆکی ئەمریکا دووپاتی کردەوە، ئیسرائیل جارێکی دیکە هێرش ناکاتەوە سەر قەتەر، چونکە قەتەر هاوپەیمانێکی گەورەی ئەمریکایە.

وێنە گەورەکە: ڕۆژی دووشەممە، 15-9-2025، لە کۆنگرەیەکی ڕۆژنامەوانیدا، دۆناڵد ترەمپ، سەرۆکی ئەمەریکا دووپاتیکردەوە، جارێکی دیکە ئیسرائیل هێرش ناکاتەوە سەر قەتەر و هاوکات ڕەتیکردەوە، بنیامین نەتانیاهۆ، سەرۆکوەزیرانی ئیسرائیل، پێش هێرشەکەی دەوحە ئاگاداری کردبێتەوە.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند: ''ئاگاداری پلانەکانی ئیسرائیل نەبووم بۆ هێرشکردنە سەر دەوحە و لەو هێرشە ڕازی نیم چونکە قەتەر هاوپەیمانێکی سەرەکی واشنتنە''.

ئەمەش بزانە: ئەم لێدوانەی ترەمپ دوای ئەوەی هات کە  نووسینگەی نەتانیاهۆ بڵاویکردەوە، بە ئامانجگرتنی سەرکردەکانی بزووتنەوەی حەماس لە دەوحە ئۆپەراسیۆنێکی تەواو سەربەخۆ"ی ئیسرائیلە.

لەلایەکی دیکەوە: ماڵپەری ئەکسیۆسی ئەمریکی  لە زاری حەوت بەرپرسی ئیسرائیلییەوە ڕایگەیاند،  کۆشکی سپی پێشوەختە ئاگاداری هێرشەکەی ئیسرائیل بوو.