لە یەک ڕۆژدا 101 فەلەستینی لە غەززە کوژراون

ئاڤا نیوز

بەهۆی هێرشەکانی سوپای ئیسرائیل بۆ سەر کەرتی غەززە، تەنیا ڕۆژی سێشممە 16ی ئەیلول 101 فەڵەستینی کوژراون.

 

چیرۆکی سەرەکی: بەپێی ئاژانسی ئەنادۆڵی تورکیا کە زانیارییەکانی لە نەخۆشخانەکانی غەززە دەست کەوتووە، سوپای ئیسرائیل ڕۆژانە بەردەوامە لەسەر هێرش و پەلامار و بۆردوومانەکان بۆ سەر ناوچە جیاجیاکانی کەرتی غەززە، لە بەرەبەیانەوە تا درەنگانی شەوی ڕابردوو، بە هۆی بۆردوومانەکانی ئیسرائیل 86 تەرم هێنراوەتە نەخۆشخانەکانی غەززە.

 

زانیاریی زیاتر: هاوکات بەهۆی بۆردوومانەکان لە شەوی ڕابردووەوە 23کەسی دیکە لە غەززە کوژران کە بەشی زۆریان ژن و منداڵ بوون.

 

لەلایەکی دیکەوە: لەچوارچێوەی هێرشەکانی ئیسرائیل، ڕۆژی سێشەممە بەهۆی بۆردوومانی ماڵێک لە ناوەڕاستی غەززە، 20 کەس کوژران و 15ی دیکەش بریندار بوون.