"خەڵووزی نێرگەلە" کۆتایی بە ژیانی منداڵێک دەهێنێت

ئاڤا نیوز

منداڵێکی تەمەن 18 مانگ، بەهۆی خواردنی خەڵووزی نێرگەلە لە ماڵەکەی خۆیاندا، لە یەکێک لە گەڕەکە میللییەکانی باکووری شاری نەجەف، گیانی لەدەستدا.

زانیاریی بەدەستهاتوو: بەگوێرەی سەرچاوەیەکی پزیشکی لە نەجەف کە قسەی بۆ میدیا عێراقییەکان کردووە، هۆکاری گیانلەدەستدانی منداڵە 18 مانگەکەی "بەهۆی کاریگەرییە خراپەکانی خواردنی خەڵووزی نێرگەلە" گەڕاندەوە، سەرەڕای هەوڵە فریاگوزاریییەکان.

زانیاریی زیاتر: بە گوتەی سەرچاوەکە "تەرمی منداڵەکە گواستراوەتەوە بۆ فەرمانگەی پزیشکی دادی بۆ تەواوکردنی ڕێکارە کارگێڕی و یاساییەکان و ئامادەکاری بۆ ڕادەستکردنی بە کەسوکاری".