حەماس بە وێنەیەک ‌هەڕەشە لە ئیسرائیل دەکات

ئاڤا نیوز

بزووتنەوەی حەماس، وێنەیەکی نوێی بارمتە دەستگیرکراوەکانی ئیسرائیلی بڵاوکردەوە و وێنەکەی بە "ماڵئاوایی" وەسف کردووە.

چی ڕوودەدات: ماوەیەکە ئیسرائیل ئۆپەراسیۆنێکی فراوانی بۆ سەر کەرتی غەززە دەستپێکردووە، سوپای ئیسرائیلیش ڕاگەیاندووە کە هێزەکانیان ئامادەکاری بۆ هێرشکردنە سەر شاری غەززە دەکات بە هێزێک پێشتر نەبینراوە، داواش لە دانیشتووانی ناوچەکە کرد کە چۆڵی بکەن.

زانیاریی بەدەستهاتوو: بزووتنەوەی حەماس، وێنەیەکی نوێی بارمتە دەستبەسەرکراوەکانی بڵاوکردەوە، لە وێنەکەدا 47 بارمتە هەن لەسەر وێنەکەش نووسراوە ''بەهۆی سەرکەشیی بنیامین نەتانیاهۆ، سەرۆکوەزیرانی ئیسرائیل و ملکەچبوونی ئیال زامیر، سەرۆکی ئەرکانی سوپای ئیسرائیل، وێنەیەکی ماڵئاوایی بارمتەکانی لەکاتی دەستپێکردنی ئۆپەراسیۆنەکە لە غەززە بڵاوکردەوە''.

کاریگەری و لێکەوتەکان: ئیسرائیل بە چڕی شاری غەززە بۆمباران دەکات، سوورە لەسەر درێژەدان بە ئۆپەراسیۆنەکانی تاوەکو سەرجەم بارمتەکان ئازاد دەکرێن، هاوکات لەگەڵ  شکستپێهێنانی تەواوی بزووتنەوەی حەماس.