وتەبێژی ئەپیکۆر: بەم زووانە ڕێکەوتننامەی هەناردەکردنەوەی نەوتی هەرێم ڕادەگەیێنرێت

ئاڤا نیوز

وتەبێژی کۆمەڵەی پیشەسازی نەوتی کوردستان داڕشتنی ڕێککەوتننامەی سێ قۆڵی نێوان حکومەتی عێراق و حکومەتی هەرێم و کۆمپانیاکانی نەوت پشتڕاست دەکاتەوە و ڕایدەگەیەنێت: بەم زووانە واژۆی لەسەر دەکرێت.

چیرۆکی سەرەکی: ئەمڕۆ دووشەممە سەرچاوەیەک لە کۆمپانیای نەوتی باکوور بە ئاڤای وت،  لە هەولێر ڕێککەوتنی سێقۆڵی لەنێوان وەزارەتی سامانە سرووشتییەکانی کوردستان کۆمپانیای نەوتی باکوور و کۆمپانیاکانی نەوت، لەبارەی هەناردەکردنەوەی نەوتی کوردستان واژۆ کراوە.

لێدوانی فەرمی: مایڵز کاگینز، وتەبێژی کۆمەڵەی پیشەسازیی نەوتی کوردستان (ئەپیکۆر)،  سەبارەت بە هەوڵەکان بۆ یەکلاکردنەوەی دۆسیەی هەناردەکردنەوەی نەوتی هەرێمی کوردستان بە ئاڤا میدیای ڕاگەیاند: ڕەشنووسی ڕێککەوتنامەی سێ قۆڵی لە نێوان حکومەتی هەرێم، حکومەتی عێراق و کۆمپانیاکانی نەوت ئامادەکراوە و لە ماوەیەکی زۆر نزیکدا واژۆی لەسەر دەکرێت.

زانیاریی زیاتر: وتەبێژی کۆمەڵەی پیشەسازیی نەوتی کوردستان گەشبینی خۆی بە واژۆکردنی رێککەوتننامە دەربڕی و ڕایگەیاند، لێکتێگەیشتنی گەورە سەبارەت بە دەستپێکردنەوە هەناردەکردنی نەوتی هەرێمی کوردستان هاتووەتە ئاراوە و ڕەشنووسی ڕێککەوتنامەکە تەواو بووە و ئامادەکراوە، لە چەند ڕۆژی داهاتوودا کۆبوونەوەیەک دەکرێت و تێیدا واژۆ لەسەر ڕێککەوتننامەکە دەکرێت.