سێ پردی دیکەی پەڕینەوەی پیادە لە هەولێر دروست دەکرێن

ئاڤا نیوز

دیزان و دەرخستە بۆ دروستکردنی سێ پردی دیکەی پەڕینەوە لە هەولێر کراوە، کە لە داهاتوودا جێبەجێ دەکرێن. 

وێنە گەورەکە: لەگەڵ فراوانبوونی شار و زیادبوونی ڕێژەی ئۆتۆمبێل لەسەر شەقامەکان، هاتووچۆی پیادەی هاوڵاتییان ئەستەم بووە، بەهۆی ئەمەشەوە بڕیاری دروستکردنی چەندین بەرزە پردی دیکە لە هەولێر دراوە بە ئامانجی کەمکردنەوەی قەرەباڵغی لەسەر شەقامەکان. 

لێدوانی فەرمی: سروە یاسین، بەڕێوەبەری ئەندازەی هاتووچۆی هەولێر بە ئاڤا میدیای ڕاگەیاند: سێ پردی پەڕینەوەی پیادەی دیکە دروست دەکرێن، ئێستا لە قۆناغەکانی سەرەتای کارکردنن و دیزاین و دەرخستە بۆ پردەکان دەکەین.

زانیاریی زیاتر: ئەو سێ پردەی دروست دەکرێن دەکەونە ئەم شوێنانەی هەولێر:-

یەکەم: پردی بەردەم نەخۆشخانەی هەولێری فێرکاری (پرۆژەکە لە قۆناغی دیزاین و دەرخستەیە).

دووەم: پردی 100 مەتری بەردەم قوتابخانەی ئاڵای کچان - (دەرخستەی تەواو بووە و پرۆژەکە لە قۆناغی تەندەرینگە).

سێیەم: پردی پەڕینەوەی پیادەی کورانی نوێ (پرۆژەکە لە قۆناغی دیزاین و دەرخستەیە).