عێراق؛ ڕێژەی بێکاریی ئافرەتان دووجار زیاترە لە پیاوان

ئاڤا نیوز

وەزارەتی پلاندانانی عێراق ئاشکرای دەکات، سەرەڕای کەمبوونەوەی ڕێژەی بێکاری لە عێراق، ڕێژەی بێکاریی لە توێژی ئافرەتان دوو بەرامبەر زیاترە لە پیاوان.

ڕاگەیێنراوی فەرمی: عەبدولزەهرە هینداوی، وتەبێژی وەزارەتی پلاندانانی عێراق ڕایگەیاند: ڕێژەی بێکاری کە لە ساڵی 2022 گەیشتە 16.5%، لە سەرەتای ساڵی 2025 بۆ 13% دابەزیوە، ئەمەش لە ئەنجامی باشتربوونی ڕوونی بازاڕی کاری عێراق.

هینداوی ئاماژەی بەوەدا "جیاوازییەکی بەرچاو لە نێوان ڕێژەی بێکاری لە نێوان ڕەگەزەکاندا هەیە، ڕێژەی بێکاری لە نێوان ئافرەتاندا دەگاتە نزیکەی 18%، کە نزیکەی دوو هێندە زیاترە لە پیاوان کە بێکارییان 9% بۆ 10%دایە".

هۆکارە زانراوەکان: ناوبراو پێی وایە، بێکاری لەنێو ئافرەتان بۆ هۆکارە کۆمەڵایەتییەکان دەگەڕێتەوە، ئەمە جگە لە نەبوونی هەلی کاری گونجاو بۆیان، ئەمەش وایکردووە پیاوان زیاتر سوودمەند بن لە بازاڕی کار.