هەژماری من خشتەی دابەشکردنی مووچەی بۆ ڕۆژی پێنجشەممە بڵاو کردەوە

ئاڤا نیوز

تیمی هەژماری من ناوی دەیان بەڕێوەبەرایەتی و فەرمانگەی چەند وەزارەتێكی حكومەتی هەرێمی كوردستان بڵاو دەكاتەوە و فەرمانبەرانیان ئاگادار دەكاتەوە كە سبەی دەتوانن مووچەكانیان لە ئەی تی ئێمەكان وەربگرن.

بڵاوكراوەی فەرمی: تیمی هەژماری من ئەمشەو چوارشەممە 2025-10-01،  ناوی ئەو بەڕێوەبەرایەتی و فەرمانگە و ژمارەیەك وەزارەتی بڵاو كردەوە، ڕایگەیاند كە فەرمانبەرانی ئەو بەڕێوەبەرایەتی و فەرمانگانە دەتوانن ئەمڕۆ پێنجشەممە بچن لە ئەی تی ئێمەكانەوە مووچەكانیان وەربگرن، ئەمە لە كاتێكدایە كە ئەمڕۆ هەر لەڕێگەی هەژمارەوە مووچەی مانگی حەوتی فەرمانبەرانی 173 بەڕێوەبەرایەتی و فەرمانگەی حكومەت دابەش كرا.

زانیاریی زیاتر: ئێستا ژمارەی بەشداربووانی پڕۆژەی هەژماری من 900 هەزار مووچەخۆری تێپەڕاندووە و بەپێی ڕاگەیێنراوی تیمی هەژماری من، بۆ مووچەی مانگی حەوت، زیاتر لە 500 هەزار مووچەخۆر بە دیجیتاڵی مووچەكانیان وەردەگرن.