ڕۆژی هەینی بانکی قەڵادزێ بەردەوام دەبێت لە دابەشکردنی مووچە

ئاڤا نیوز

بانکی قەڵادزێ ئاگاداری مووچەخۆران دەکاتەوە کە سبەی هەینی سەرەڕای ئەوەی پشووی فەرمییە بەڵام کارمەندانی بانکەکە دەگەڕێنەوە سەر ئەرکی خۆیان و دابەشکردنی مووچە بەردەوام دەبێت.

وێنە گەورەکە: لە دوای ڕێککەوتنی نێوان هەولێر و بەغدا لەبارەی هەناردەکردنەوەی نەوتی کوردستان و ناردنی داهاتی نانەوتی بۆ بەغدا، بەربەستەکانی بەردەم ناردنی مووچەی مووچەخۆران نەماون، بەمەش سێشەممە 30-9-2025، بانکی ناوەندیی عێراق بڕی 956 ملیار و 928 ملیۆن دیناری لەڕێگەی لقی هەولێرەوە بە یەک گوژمە خستە سەر هەژماری وەزارەتی دارایی کوردستان.

ڕاگەیێنراوی فەرمی: بانکی قەڵادزێ ڕایگەیاند: سبەی هەینی 3-9-2025 سەرەڕای پشووی فەرمی دەرگای بانکەکەمان کراوە دەبێت بۆ پێدانی تەواوکاری مووچەی مووچەخۆران".

زانیاریی زیاتر: هەر بەپێی ڕاگەیێنراوی بانکی قەڵادزێ، ڕۆژی هەینی مووچەی کەسوکاری شەهیدان و ئەنفالکراوان، کەم ئەندامان، خانەنشینانی شارستانی، خانەنشینانی سەربازی سلێمانی و ئەیلوول و گوڵان، دابەشدەکرێت و دەتوانن سەردانی بانک بکەن بەمەبەستی وەرگرتنی مووچەکانیان.

ئەوەی پێویستە بیزانیت: ڕۆژی چوارشەممە، وەزارەتی دارایی و ئابووری حکومەتی هەرێمی کوردستان دەستیکرد بە دابەشکردنی مووچەی مانگی حەوت و بەگوێرەی ئەو خشتەیەی ڕاگەیێنراوە تا ڕۆژی شەممە دابەشکردنی مووچە بەردەوامی دەبێت.