نۆ بەنداوی دیكە لە دهۆک دروستدەکرێن

ئاڤا نیوز

لە دهۆک نۆ بەنداوی دیکە دروست دەکرێن، بەوەش بەفیڕۆچوونی ئاو سنوور دار دەکەن و کەرتی کشتووکاڵ دەبووژێننەوە.

لێدوانی فەرمی: هێژا عەبدولواحید، بەڕێوەبەری ئاودێری لە پارێزگای دهۆک بۆ ئاڤا نیوز گوتی: ئێستا لە سنووری پارێزگای دهۆک نۆ بەنداو دروست دەکرێن کە سێیان لە ئامێدی، دوو لە سێمێل و دوو لە ئاکرێ و دووانیش لە شێخانن.

زانیاریی زیاتر: 57 بەنداوی بچوک و گەورە لە دهۆک و زاخۆ هەن، کە سێ لەوانە بەنداوی گەورەن و پێکدێن لە خنس، دهۆک و کەشکان.

بۆچی گرنگە: بەنداوەکان گرنگییەکی گەورەیان لە گلدانەوەی ئاو  و کەمبوونەوەی ڕێژەی کەم ئاوی و زیادبوونی سامانی ماسی و کارەبا و کشتوکاڵدا هەیە.

ئەوەی پێویستە بیزانیت: بەهۆی بارانبارینی ئەم دواییەی پارێزگای دهۆک بە ڕێژەی 90٪ـی بەنداوەکانی ئەو سنوورە سەرڕێژ بوون.

ئەمەش بزانە: ساڵانە لە هەرێمی کوردستان لە وەرزی زستاندا 41 ملیار مەتر سێجا ئاو بەفیرۆ دەڕوات، ئەوانیش ئاوی چۆمە وەرزییەکان و کانی و کارێزەکانن.