هۆشداریی یەکێتیی ئەوروپا بۆ ئیسرائیل: هێشتا بژاردەی سزا لەسەر مێزە

ئاڤا نیوز

یەکێتیی ئەوروپا دۆخی غەززە بە ناسک وەسف دەکات و هۆشداری دەداتە ئیسرائیل کە هێشتا بژاردەی سەپاندنی سزا بەسەر ئەو وڵاتەدا لەسەر مێزە.

لێدوانی فەرمی: کایا کالاس، بەرپرسی سیاسەتی دەرەوەی یەکێتیی ئەوروپا ڕایگەیاند، لەم کاتەی ئێستادا یەکێتییەکە هیچ سزایەکی بە هۆی شەڕی غەززەوە بەسەر ئیسرائیلدا نەسەپاندووە، بەڵام ئەم بژاردەیە وەلا نەنراوە و لەسەر مێزە. ئەم لێدوانە لە پەراوێزی کۆبوونەوەی وەزیرانی دەرەوەی وڵاتانی یەکێتیی ئەوروپا بوو لە کۆلسەمبۆرگ.

زانیاریی زیاتر: یەکێتیی ئەوروپا پێی وایە ئاگربەستی غەززە هێندە بەهێز و چەسپاو نییە کە ئەوان دڵنیا ببنەوە و گوشارەکانیان لەسەر ئیسرائیل لا ببەن.

ئەمەش بزانە: یەکێتیی ئەوروپا جەختی لەسەر پێویستیی گەیاندنی هاوکاریی مرۆیی زیاتر بۆ خەڵکی غەززە کردووەتەوە.