قۆناغی دووەمی قیرتاوکردنی ڕێگای هەولێر- خەبات جێبەجێ دەکرێت

ئاڤا نیوز

بەهۆی قیرتاوکردنی قۆناغی دووەمی ڕێگای هەولێر- خەبات، ڕێگاکە بۆ ماوەیەک دادەخرێت و کارکردن تیایدا دەستیپێکردووە.

وێنە گەورەکە: لەماوەی ڕابردوو دا ڕێگای هەولێر- خەبات نۆژەنکرایەوە و چینی یەکەمی قیرتاوکرا، ئێستا دوای ماوەیەک دەستکراوە بە قیرتاوکردنی چینی دووەمی و بەشێوەیەکی کاتیش ڕێگاکە داخراوە. 

لێدوانی فەرمی: ئومێد خۆشناو، پارێزگاری هەولێر، بە ئاڤا میدیای ڕاگەیاند: بڕی پێنج ملیار و 52 ملیۆن و 300 هەزار دینار لەسەر بودجەی پارێزگای هەولێر بۆ تەواوکردنی ئەم ڕێگایە تەرخانکراوە، کاریگەری دەبێت لەسەر ئاسانکاری زیاتر بۆ هاتووچۆی هاووڵاتییان.

لەلایەکی دیکەوە: کارزان عەبدولهادی، بەڕێوەبەری شارەوانی هەولێر، بە ئاڤا میدیای ڕاگەیاند، کارکردن لە ڕێگاکە ماوەی یەک هەفتە دەخایەنێت، لەگەڵ تەواوبوونی بە ڕووی شۆفێران دەکرێتەوە. 

ئەوەی پێویستە بیزانیت: ڕێگای هەولێر - خەبات، ڕێگایەکی ستراتیژی بازرگانیی گرنگە، هەروەها هەولێر بە پارێزگاکانی مووسڵ و دهۆک دەبەستێتەوە.