ئاڤا لیستی نوێی دابەشکردنی مووچەی مانگی هەشت لە ڕێگەی هەژماری من بڵاو دەکاتەوە

ئاڤا نیوز

دابەشکردنی مووچەی مانگی هەشت بێ کێشە بەردەوامە و لە دوو ڕۆژی داهاتوودا تەواو دەبێت. ئەمشەویش هەژماری من خشتەی تایبەتی خۆی بڵاو دەکاتەوە.

چیرۆکی سەرەکی: دوای ڕاگەیاندنی لیستی مووچەی مانگی هەشت لەلایەن وەزارەتی دارایی، ئەمڕۆ دووشەممە دەست بە دابەشکردنی کرا و ئەوانەی لە ڕێگەی هەژماری من مووچە وەردەگرن، لە ڕێگەی کورتەنامە ئاگادار دەکرێنەوە.

لێدوانی فەرمی: تیمی هەژماری من بە ئاڤایان وت، بۆ سبەی سێشەممە 188 هەزار و 100 مووچەخۆری 17 وەزارەت و سێ سەرۆکایەتی پارە دەخرێتە سەر هەژمارەکانیان:

ئەنجوومەنی وەزیران
ئەنجوومەنی دادوەری
سەرۆکایەتیی پەرلەمان
وەزارەتی کشتوکاڵ و سەرچاوەکانی ئاو
وەزارەتی ئاوەدانکردنەوە و نیشتەجێکردن
وەزارەتی ڕۆشنبیری و لاوان
وەزارەتی ناوخۆ
وەزارەتی داد
وەزارەتی شارەوانی و گەشتوگوزار
وەزارەتی سامانە سرووشتییەکان
وەزارەتی پلاندانان
وەزارەتی بازرگانی و پیشەسازی
وەزارەتی گواستنەوە و گەیاندن
وەزارەتی کارەبا
وەزارەتی ئەوقاف و کاروباری ئایینی
وەزارەتی کار و کاروبازری کۆمەڵایەتی
فەرماندەیی پێشمەرگەی زێرەڤانی

باکگراوند: تاوەکو ئێستا 950 هەزار مووچەخۆر تۆمارکراون، کارتی بانكی بە 610 هەزار مووچەخۆر دراوەتەوە، ئەم مانگە 550 هەزار مووچەخۆر لەڕێگەی هەژماری من مووچە بە دیجیتاڵی وەردەگرن، لە سەرتاسەری هەرێمی کوردستانیش 580 ئامێری ڕاکێشانی پارە دانراون.