هەزار و 530 پێشمەرگە نۆ مووچە و 10 مووچە بەیەکەوە وەردەگرن

ئاڤا نیوز

 

بەچڕی کار لەسەر تەواوکردنی دۆسیەی خانەنشینانی پێشمەرگە دەکرێت، بەجۆرێک ئێستا دۆسیەی هەزار و 530 پێشمەرگە تەواو بووە، لە دوو مانگی داهاتوودا نۆ مووچە و 10 مووچە بەیەکەوە وەردەگرن.

 

وێنە گەورەکە؛ لە ناوەڕاستی ساڵی ڕابردووەوە تا ئێستا هەزاران پلەدار و پێشمەرگە تەمەنیان گەیشتووەتە خانەنشینی، ئەوانەی ساڵی ڕابردوو دۆسییەکانیان بەپێی یاسای خانەنشینی پێشمەرگە ژمارە 38ـی ساڵی 2007 ڕەوانە دەکرێن، بەڵام ئەوانەی ئەمساڵ بەپێی یاسای خانەنشینی یەكگرتووی عێراق ژمارە 9ی ساڵی 2014 خانەنشین دەکرێن.

لێدوانی فەرمی؛ لە خانەنشینی پێشمەرگە بە ئاڤایان گوت،  "لەو هەزار و 530 پێشمەرگەیە، 80 پێشمەرگەیان ناویان خراوەتە لیستی مووچەی مانگی نۆ و مووچەیان بۆ دەبەسترێت، لەگەڵ دابەشکردنی مووچەی داهاتوو نۆ مووچە بەیەکەوە وەردەگرن، مووچەیەک هی مانگی نۆ لەگەڵ هەشت مووچەی قەرز.

 

-هەزار و 450 پێشمەرگەکەی دیکەش ناویان دەخرێتە لیستی مووچەی مانگی 10، ئەوانیش 10 مووچە بەیەکەوە وەردەگرن.

 

ئەوەی پێویستە بیزانیت؛ ئەو پێشمەرگانە تاوەکو 31-12-2025، تەمەنیان گەیشتووەتە خانەنشینی، ناویان دەخرێتە لیستی مووچە و دەنێردرێت بۆ بەغدا، تەرخانی داراییان بۆ کراوە و مووچەیان بۆ دەبەسترێت.