ڕێژەی بەشداری لە دەنگدان لە سەرانسەری عێراق ئاشکرا دەکرێت

ئاڤا نیوز

ڕێژەی گشتیی بەشداریکردن لە دەنگدانی گشتیدا لە سەرانسەری عێراق گەیشتە 47% و کۆی ژمارەی دەنگدەرانیش زیاتر لە هەشت ملیۆن دەنگدەرە.

 

زانیاریی بەدەستهاتوو: بەگوێرەی ئەو زانیارییانەی لە ئاسایشی نیشتمانیی عێراق دەست ئاڤا میدیا کەوتووە: بۆ هەڵبژاردنەکانی پەرلەمانی عێراق 2025 دەریدەخەن کە لە کاتژمێر 12ی نیوەڕۆدا 4,029,050 کەس دەنگیان دابوو، ئەم ژمارەیە لە کاتژمێر 4ی پاشنیوەڕۆدا گەیشتە 5,311,939 کەس و لە کاتژمێر 6ی ئێوارەدا بەرزبووەوە بۆ 8,119,143 کەس. کۆی گشتیی دەنگدەرانی تۆمارکراو 17,219,722 کەس بووە.

 

داتای پەیوەندیدار بە سەلامەتی و ئۆپەراسیۆنەکان:
•    گرفتی تەکنیکی: 124 حاڵەت.
•    زانیارییە هەواڵگرییەکان: 215 زانیاری.
•    ڕووداوی تاوانکاری: 30 حاڵەت.
•    ڕووداوی تیرۆریستی: 0 حاڵەت.

سەرپێچییەکان:

• ژمارەی سەرپێچییەکان: 114 سەرپێچی تایبەت بە بەشداریکردن لە هەڵبژاردنەکان تۆمار کراوە.

• سەرپێچییە گشتییەکان: 179 سەرپێچی گشتی تۆمار کراوە، کە بابەتی پێشێلکردنی قەدەغەی پڕوپاگەندە و کاریگەری خستنەسەر دەنگدەران دەگرێتەوە.

بنکەکانی دەنگدان:

•  کۆی گشتی بنکەکانی دەنگدان: 8,703  بنکە.
•  ژمارەی وێستگەکانی دەنگدان: 39,285  وێستگە.
•  ژمارەی دەنگدەران: 20,063,773  دەنگدەر.