شەپۆڵێکی دیکەی بارانبارین و بەفر هەرێمی کوردستان دەگرێتەوە

ئاڤا نیوز

بەپێی پێشبینی کەشوهەوا شەپۆڵێکی دیکەی باران و بەفر ڕوو لە هەرێمی کوردستان دەکات و هۆشداری بە مەڕدارەکان دەدرێت.

وێنە گەورەکە: بەهۆی گۆڕانکاری کەش و هەوا لە کۆتایی ئەم مانگە ئەگەری بارانبارین و بەفر هەیە لە ناوچەکانی هەرێمی کوردستان، بەهۆی بەفر و بارانەکەوە هۆشداری بە مەڕدارەکان دەدرێت بۆ ئەوەی پێداویستی و ئالیک بۆ ئاژەڵەکانیان دابین بکەن.

لێدوانی فەرمی: شێخ دارا، شارەزا و پێشکەشکاری کەشوهەوای ئاڤا ڕایگەیاند، بەپێی پێشبینیەکانی کەشوهەوا لە 25ـی مانگ ئەگەری بارانبارین هەیە لە ناوچەکانی هەرێمی کوردستان، هاوکات لە سەرەتای مانگی 12ـش ئەگەری بەفربارین لە هەرێمی کوردستان هەیە، بۆیە پێویستە مەڕدارەکان ئالیک و پێداویستی بۆ ئاژەڵەکانیان دابین بکەن، لەبەر ئەوەی ئەگەری هەیە بەهۆی بەفربارینەوە نەتوانن  بیانبەنە دەرەوە.

ئەوەی پێشبینی دەکرێت: ئەو بەفر و بارانەی پێشبینی دەکرێت دەبێتە هۆی ئەوەی زەوی پەڵە بدات، لەبەر ئەوەی ڕێژەی بارانەکە زۆرە.