وەزارەتی دارایی: سبەی سەرەڕای پشوو مووچە دابەش دەكەین

ئاڤا نیوز

 

وەزارەتی دارایی و ئابووری حكومەتی هەرێمی كوردستان ڕایگەیاند، سبەینێش لەگەڵ ئەوەی سبەی پشووی فەرمییە بەڵام بانكەكان بۆ دابەشكردنی مووچە كراوە دەبن.

وێنە گەورەکە: سێ ڕۆژە دابەشکردنی مووچەی مانگی سێ بەردەوامە، بەهۆی زۆری ژمارەی مووچەخۆران وەزارەتی دارایی بڕیاریدا سەرجەم ئەو بانکانەی دابەشکردنی مووچەیان لە ئەستۆیە دەوام ئاسایی بێت.

ئەوەی پێویستە بیزانیت: سبەی لەسەرجەم دام و دەزگاکانی هەرێمی کوردستان بەبۆنەی ساڵڕۆژی ئازادکردنی عێراق پشووی فەرمییە.

ڕاگەیێنراوی فەرمی: وەزارەتی دارایی هەرێمی كوردستان ڕایگەیاند: دەوامی سەرجەم ئەو بانکانە ئاسایی دەبێت کە ئەرکی دابەش کردنی مووچەیان لە ئەستۆیە تاسەرجەم مووچەخۆران و فەرمانبەران مووچەکانیان وەربگرن.

                                   
ئەوەی پێشبینی دەکرێت: بڕیارە ڕێکارەکانی ناردنی مووچەی مانگی چوار دوای پشووی جەژن دەستپێبکەن، لەگەڵ گەیشتنی گوژمەی یەکەمی پارەکەی بەغدا ڕاستەوخۆ لیست ڕابگەیێنرێت و دەست بە دابەشکردنی مووچە دەکرێت.