هاووڵاتییان له‌ ئاڵوگۆڕکردنى دۆلاری چاپی كۆندا ڕووبه‌ڕووی گرفت ده‌بنه‌وه

ئاڤا نیوز

لە هەرێمی کوردستان دیاردەی ساغ نەکردنەوەی دراوی چاپی کۆنی ئەمریکی سەریهەڵداوە و بەشێک لە هاووڵاتییان نیگەرانن لەو شێوازی مامەڵەیە. 

وێنە گەورەکە: دوو جۆر چاپی دراوی ئەمریکی لە هەرێمی کوردستان هەیە کە لەناو خەڵکدا بە 100 دۆلاری شین و 100 دۆلاری سپی ناسراوە، بە هۆی ئەوەی دراوی ڕەنگ سپی بەراوی دروستکردنەکەی کۆنترە مامەڵەکردن پێوەی لە عێراق و هەرێمی کوردستانیش کەمترە. 

بەدواداچوونی ئاڤا: بەشێک لە هاووڵاتییان گلەییان لەوە هەیە کە دۆلاری کۆنیان لە شوێنە گشتییەکان و مارکێت و چێشتخانەکان لێوەرناگیرێت یاخود لە بازاڕی دراو بە چەند هەزار دینارێک کەمتر بە دیناری عێراقی بۆیان دەگۆڕنەوە. 

لێدوانی فەرمی: نازم مەنتک، مامەڵەکاری دۆلار لەبارەیەوە دەڵێت: ئەو دیاردەیە تەنیا لە عێراق هەیە و لە کوردستان تازە سەری هەڵداوە، لە بۆرسە هیچ فەرقی نییە تەنیا هەزار دیناری کەمترە ئەویش بازرگانانی دراو خۆیان ئەمەیان کردووە.

- لە ئەمریکا دۆلاری دڕاویش کاری پێدەکرێت و لە ڕووی کواڵیتی و وەرەقەکەشەوە کۆنەکە لە نوێیەکە باشترە.