مووچەی مامۆستایانی گرێبەست و بەشێک لە فەرمانبەرانی هەمیشەیی و گرێبەست دابەش دەکرێت

ئاڤا نیوز

 

ئەم هەفتەیە مووچەی مامۆستایانی گرێبەستی سەر بە هەردوو وەزارەتی خوێندنی باڵا و پەروەردە دابەش بکرێت. هاوکات هەر لەو هەفتەیەدا مووچەی مانگی نۆ و  ئازاری ئەمساڵی فەرمانبەرانی گرێبەست و هەمیشەیی دابەش دەکرێت.

 

چیرۆکی سەرەکی:  ڕۆژی شەممە وەزارەتی دارایی عێراق، گوژمەی 941 ملیار و 874 ملیۆن دیناری بۆ مووچەی مانگی نۆ خستە سەر هەژماری بانكیی وەزارەتی دارایی و ئابووریی هەرێمی كوردستان و ڕۆژی یەکشەممە دەست بە دابەشکردنی کرا کە ئەمڕۆ سێشەممە کۆتایی پێدێت. دوای هاتنی مووچەی مانگی نۆی فەرمانبەران، بڕیاری دابەشکردنی مووچەی مامۆستایانی گرێبەستی سەر بە هەردوو وەزارەتی خوێندنی باڵا و پەروەردە درا و بڕیاری سبەی چوار شەممە دەستپێبکات و بە دوو ڕۆژ سەرجەمیان شایستە داراییەکانیان وەربگرن.

 

ڕاگەیێنراوی فەرمی: وەزارەتی دارایی و ئابووریی حکومەتی هەرێمی کوردستان ڕایگەیاند، ڕۆژی چوارشەممە و پێنجشەممە 3 و 4-12-2025، مووچەی مانگی نۆی مامۆستایانی گرێبەستی وەزارەتی پەروەردە و خوێندنی باڵا و توێژینەوەی زانستی دابەش دەکرێت. 

 

زانیاریی زیاتر: هەر لەو دوو ڕۆژەدا مووچەی مانگی نۆ و مووچەی مانگی ئازاری ساڵی 2025 ی سەرجەم ئەو فەرمانبەرانە دابەش دەکرێت کە لەدوای 1-7-2024 بەشێوەی گرێبەست و هەمیشەیی لەسەر میلاکی دامەزراوەکانی حکومەتی هەرێمی کوردستان دامەزراون کە شایستەکانیان لەسەر داهاتی ناوخۆی هەرێمی کوردستان خەرج دەکرێت.