كۆشكی سپی: حەماس  كەمتەرخەمە بۆ ئاگربەست

ئاڤا نیوز

كوشكی سپی ڕایگەیاند، وەڵامنەدانەوەی حەماس لە ئاگربەست و گۆڕینەوەی دیلەكان كەمتەرخەمە و دەبێت زووتر وەڵام بداتەوە.

وێنە گەورەكە: ئێستا پێشنیازی ئاگربەستێكی كاتی لە كەرتی غەززە و ئازادكردنی ژمارەیەك دیل لەلایەن ئیسڕائیل و حەماسەوە هەیە، ئیسڕائیل ئامادەیی پێشانداوە بۆ ئاگربەست و گفتوگۆ لە قاهیرە، بەڵام تا ئێستا حەماس وەڵامی نەداوەتەوە و ئەمریكاش بەكەمتەرخەم ناویان دەبات.

ڕاگەیێنراوی فەرمی: كۆشكی سپی ئەمریكا ڕایگەیاند: هەوڵەكانی حەماس بۆ ئاگربەست گەرم نین ئێمە بە  كەمتەرخەمیان  دەزانین و دەبێت خێراتر وەڵامبدەنەوە بۆ ئاگربەست و ئاڵوگۆڕی دیلەكان.

ئەوەی پێویستە بیزانیت: تا ئێستا زیاتر لە شەش جار نوێنەری مۆساد و حەماس و سی ئای ئەی،  بە نێوەندگیری چەندین وڵاتی عەرەبی كۆبوونەوەیان كردووە بۆ دانووستان لە نێوان ئیسڕائیل و حەماسدا بەڵام تا ئێستا هیچ ئاگربەستێك نەكراوە.