چوار حیزبی توركیا: دەبێت كێشەی كورد چارەسەر بكرێت

ئاڤا نیوز

بەبۆنەی جەژنی ڕەمەزانەوە، نوێنەری چوار گەورە پارتی سیاسی تورکیا سەردانی دەم پارتییان کرد، دەڵێن "پێویستە کێشەی کورد لە تورکیا چارەسەر بکرێت".

وێنە گەورەکە: بەبۆنەی جەژنی ڕەمەزانەوە نوێنەری هەریەکە لە جەهەپە، پارتی سەعادەت، پارتی دێڤە و پارتی ئایندە سەردانی بارەگای دەم پارتییان کرد، لە گفتوگۆکاندا باس چارەسەری بنەڕەتی بۆ پرسی کورد لە تورکیا کرا، کۆک بوون لەسەر ئەوەی دەبێت لە تورکیا پرسی کورد بە ئاشتی چارەسەر بکرێت.

لێدوانە فەرمییەکان: نوێنەرانی چوار پارتی سیاسی تورکیا لە لێدوانێکی ڕۆژنامەوانیدا گوتیان" دەبێت کێشەی کورد بە ئاشتی چارەسەر بکرێت، وڵاتەکەمان بکەینە بەهارێکی هەمیشەیی".

لە لایەکی دیکەوە: حەسەن ئۆزگونەش، ئەندامی باڵای دەم پارتی بە ئاڤا نیوزی گوت:" چارەسەرکردنی ثرسی کورد لە تورکیا پەیوەستە بە هەموو پارتەکانەوە و دەم پارتی پێشوازی لە هەر لایەنێک دەکات کە بیەوێت چارەسەری کێشەکە بکات".

باکگراوند: 31 ی ئاداری ئەمساڵ، لە تورکیا هەڵبژاردنی ئەنجوومەنی شارەوانییەکان بەڕێوەچوو، جەهەپە زۆرینەی دەنگەکانی تورکیا و دەم پارتی زۆرینەی دەنگەکانی باکوری کوردستانی بەدەستهێنا.