لە ئیسرائیل زەنگی ئاگادار كردنەوە لێدەدرێت

ئاڤا نیوز

سوپای ئیسرائیل ڕایگەیاند، زەنگی ئاگادارکردنەوە لە باکووری ئیسرائیل لێدەدرێت وەک هۆشدارییەک بۆ هێرشی چاوەڕوانکراوی ئێران و هەڵدانی درۆن لەلایەن حیزبوڵڵای لوبنانەوە.

وێنە گەورەکە: ئێران هەڕەشەی تۆڵەکردنەوەی هێرشی سەر کونسوڵخانەکەی لە دیمەشقی پایتەختی سووریا دەکات کە ڕۆژی دووشەممەی ڕابردوو، ئیسرائیل هێرشیکردە سەر و چەند بەرپرسێکی سەربازی و دیپلۆماتکاری کوژران.

ئەوەی پێشبینی دەکرێت: بەگوتەی دوو بەرپرسی باڵای ئەمریکا پێشبینی دەکرێت ئەمشەو ئێران و گرووپەکانی نزیک لێی لە ناوچەکە لە ڕێگەی 100 مووشەک و درۆنەوە چەند ئامانجێکی سەربازی ئیسرائیل بۆردوومان بکەن.

ئەوەی پێویستە بیزانیت: ئەمریکا پێشتر ڕایگەیاندووە کە هێرشەکەی ئێران بۆ سەر ئیسرائیل ڕاستەقینەیە و ئیسرائیلیش هەڕەشەی وەڵامدانەوەی تووندی هێرشەکەی کردووە.