حیزبوڵڵا ژمارەیەكی زۆر مووشەكی ئاڕاستەی ئیسرائیل كرد

ئاڤا نیوز

 

لەگەڵ زیادبوونی هەڕەشەکان و پێشبینی وەڵامدانەوەی ئێران، حیزبوڵڵای لوبنان دەیان مووشەکی ئاراستەی ناوچە جیاوازەکانی ئیسرائیل کرد و زەنگی ئاگادارکردنەوە لێدەدرێت.

ڕاگەیێنراوی فەرمی: حیزبوڵڵای لوبنان ڕایگەیاند: کاتژمێر 08:00ـی ئێوارەی ئەمڕۆ 12-4-2024، بە دەیان مووشەکی کاتیۆشا پێگەی تۆپخانەکانی ئیسرائیلیان لە ناوچەی زاعورەی جۆلان بۆردومان کرد.

لەلایەکی دیکەوە: بەپێی میدیاکانی ئیسرائیل لە ماوەی چەند خولەکێكی کەم دا 50 مووشەک لە باشووری لوبنانەوە ئاراستەی ئیسرائیل کراون، زەنگی ئاگادارکردنەوە لە چەندین ناوچەی وڵاتەکە لێدراوە.

ئەوەی پێویستە بیزانیت: بەگوتە بەرپرسانی ئەمریکا، پێدەچێت ئەمشەو ئێران وەڵامی هێرشەکەی ئیسرائیل بۆ سەر کونسوڵخانەکەی لە دیمەشقی پایتەختی سووریا بداتەوە.