پەیامێک لە وەزیری بەرگریی ئەمریکاوە لەبارەی هێرشەکانی ئێران بۆ سەر ئیسرائیل

ئاڤا نیوز 

 

وەزیری بەرگریی ئەمریکا پەیامێکی لەبارەی هێرشەکانی ئێران بۆ سەر ئیسرائیل بڵاوکردەوە و جارێکی دیکە پشتیوانی ئەمریکای بۆ ئیسرائیل دووپات کردەوە.

 

لێدوانی فەرمی: لۆید ئۆستن، وەزیری بەرگریی ئەمریکا لە پلاتفۆرمی ئێکس ڕایگەیاند، بۆ دووەمجار پەیوەندی لەگەڵ یوئاڤ گالانت، وەزیری بەرگریی ئیسرائیل کرد، بە مەبەستی دووپاتکردنەوەی پشتیوانی بەهێزی واشنتن بۆ بەرگریکردن لە ئیسرائیل.

 

زانیاریی زیاتر: لە درێژەی قسەکانیدا وەزیری بەرگریی ئەمریکا ئاماژەی بەوە داوە، کە لە بەرامبەر هێرشەکانی ئێران بۆ سەر ئیسرائیل بە هەماهەنگی بەهێز ئێمە ڕێکاری بەرگری زۆرباشمان گرتەبەر بۆ تێکشکاندنی ئەو هێرشانە.

گۆشەیەکی دیکەی دیمەنەکە: "ئێمە بەدوای ململانێ لەگەڵ ئێراندا ناگەڕین، بەڵام درێغی لە گرتنەبەری هەنگاو بۆ پاراستنی هێزەکانمان و پشتیوانی لە بەرگری ئیسرائیل ناکەین". لۆید ئۆستن ئەمەی گوتووە".

 

ئەوەی پێویستە بیزانیت: شەوی ڕابردوو ئێران لە وەڵامی هێرشکردنە سەر کۆنسوڵخانەکەی لە دیمەشق، بە سەدان مووشەک و فڕۆکەی بێفڕۆکەوان هێرشی کردە سەر ئیسرائیل.