سوودانی: ڕێککەوتنی ستراتیژیی عێراق و ئەمریکا نەخشەڕێگەی پتەوکردنی پەیوەندییەکانە

ئاڤا نیوز

 

سوودانی لەگەڵ ئەنتۆنی بلینکن کۆبوونەوە و جەخت لە پەرەپێدان بە ڕێککەوتنی ستراتیژی نێوان هەردوو وڵات کرایەوە.

 

چیرۆکی سەرەکی: لە دووەم ڕۆژی سەردانەکەی بۆ واشنتن، محەممەد شیاع سوودانی، سەرۆکوەزیرانی عێراق لەگەڵ ئەنتۆنی بلینکن، وەزیری دەرەوەی ئەمریکا کۆبووەوە و پرسە گرنگەکانی نێوان هەردوو وڵاتیان تاوتوێ کرد.

 

ڕاگەیێنراوی فەرمی: "پێویسته‌ هەوڵەکان بۆ ڕێگری له‌ فراوانبوونی ململانێکانی ڕۆژهه‌ڵاتی ناوه‌ڕاست زیاتر بكرێن". نووسینگەکەی ڕاگەیاندی سوودانی ڕایگەیاندووە. 

 

لەلایەکی دیکەوە: ئەنتۆنی بلینکن جەختی لەوە کردووەتەوە، واشنتن پاڵپشتی هەنگاوەکانی گەشەپێدان و چاکسازی عێراق دەکات.