دانیمارک باڵیۆزخانەکەی لە عێراق دادەخات

ئاڤا نیوز

 

دوای کشانەوەی هێزە سەربازییەکانی لە عێراق، دانیمارک باڵیۆزخانەکەشی لە عێراق دادەخات.

 

راگەیێنراوی فەرمی: وەزارەتی دەرەوی دانیمارک ڕایگەیاند: "دوای کشانەوەی زۆرینەی هاوکارییە سەربازییەکانمان لە عێراق، ئەرکی باڵیۆزخانەکەشمان لە بەغدا کۆتایی هاتووە".

 

ئەوەش بزانە: بە بڕیاری حکومەتی ئەو وڵاتە، لە 31-05-2024ـەوە باڵیۆزخانەکە دادەخرێت.

 

ئەوەی پێویستە بیزانیت: لە ساڵی 2020 دانیمارک بۆ بەشداریکردن لە نوێنەرایەتیی هێزەکانی ناتۆ لە عێراق، باڵیۆزخانەی لە بەغدا کردەوە.